الأحد

ياااااااااااااااااااااااااااااااااااااااااااااااااه علي اللي بيحصلي



شوفتوا الاغنية بتاعت ( علي اللي بيحصلي ..... علي اللي بيجرالي .... لما بيندهلي ولما بيصفالي ) 
حاجه زي كدا بتحصلي اليومين دول .... اه والله 
علي فكرة هيا شافت الكلام اللي مكتوب عليها قبل كدا .... بس ما اتكلمناش فيه لسه , بس اللي حصل اني وانا بكلمها علشان اطمن عليها وهيا في وسط الكلام كدا قالت (حبيبي) ..... ياااااه ياما يااااه , حسيت اني قلبي فط ونط من مكانه , ورحت قولتلها انتي قولتي ايه علشان مش سمعت كويس , راحت قالتلي انا قولت الله يخليك والحمد لله كويسه (علي ما اتذكر لاني ماكنتش مركز غصر في الكلمة اللي اتقالت) وبعدين لا قولتلها اني قولتي حاجه تانيه راحت ضحكت وسكتت , المهم بقي قولتلها انا سمعت والكملة اتسجلت خلاص واللي حصل حصل مع اني شكيت انها تكون لسه عيانه وسخنه فمتقول كلام كدا من غير ماتاخد بالها (بس الحمد لله انا متاكد انها كانت مركزة شوية) بس عقبال بقي ما اطمنت عليها وقفلت وانا كنت بكلمها وانا في الشارع , قفلت من هنا وقعدت اعمل بايدي زي الجناحات وحسيت اني برفرف وكدا يعني , وقعدت اغني الاغنية بتاعت عبد الحليم حافظ اللي هيا ( يا اصحابي يا اهلي ياجيراني انا عايز اخدكوا في احضاني ) كانت فيه واحده معدية وبصتلي .... روحت عملتي نفسي مش ماخد بالي وسكت خالص وكملت طريقي عادي جدا
وبعد كدا كلمتها تاني واتفقنا ان احنا نسيب الموضوع شوية لحد فترة معينة كدا نظرا لعدة مواضيع مش لازم تعرفوها يعني , بس المهم انا حاسس انها كدا يعني وانا طبعاً زي ما انتوا عارفين بقيت كدا يعني اوي .... بس اهو طول ماهيا معايا مش مشكلة وطول ما انا بكلمها وكدا فانا مستعد استني واستني 
والحمد لله

الجمعة

الف مليون سلامه للدكتور عبد المنعم ابو الفتوح



الخميس

شكلي كدا اديتها عين

انا زعلان جدا لان الملاك اللي كنت بتكلم عليها في البوست اللي فات تعبانه جدا وعندها برد جامد , وحاسس اني اديتها عين بس انا عايز اقولها اني افديها بروحي والله من غير حتي ما افكر
بس انا حاسس اني غبي اوي لاني من امبارح كنت بحاول اكلمها بس هيا ماكنتش بترد وكنت عمال افكر هيا مش بترد ليه وكدا وكنت حموت عليها بجد بس الحمد لله بعد طول انتظار لسه مكلمها من شوية وعرفت انها تعبانه وكدا , بس الغريب اني كنت بكلمها وانا مبسوط لاني بكلمها مع انها تعبانه بس والله انا ببقي مبسوط وانا بكلمها ودي حاجه مش بعرف اداريها لانه بيبان عليا , وقولتلها انا زعلان جدا جدا والله لانها تعبانه بس انا مش قادر افصل خالص بي فرحتي اني بكلمها واطمن عليها وبين انها تعبانه وعندها برد واسيرة الفراش
انا بقولها ياريت تعذرني لانه مش بايدي والله .... وكمان بعد الليلة العصيبه اللي عدت عليا علشان ماكنتش بكلمها
فانا بدعيلها انها تخف بسرعه وتقوم بالسلامة وبطلب منكم انكم تدعوا معايا بصفتكم اخواتي (ده بعد اذنكم يعني) 
يارب يارب يارب تقومي بالسلامه ياروح قلبي يارب  

الثلاثاء

تسمحولي

تسمحولي اغير حكاية الصور وبس , لاني نفسي اليومين دول اتكلم شوية 
بصراحه بقالي فترة  متغير شوية وده لاني عرفت نوع جديد من الحياة , حياة عمري ما عشتها قبل كدا وطبعاً كلمكم خمنتوا ان السبب في التغيير ده واحده 
اقولكم طبعاً اكيد واحده امال حتبقي ايه!! , هوا مافيش بينا قصة حب ولاحاجه علشان محدش يفهم غلط ولاهي قالتلي بحبك ولا انا قولتلها بحبك بس بينا حاجات كتير اوي كصداقة مش اكتر لحد دلوقتي , يعني بنحب نكلم بعض ونضحك مع بعض وكل واحد فينا بيوصف التاني بكلام لو اتنين بيحبوا بعض مش حيقولوه لبعض ويمكن انا اكتر لاني بصراحه عمري ماشوفت واحده كدا خالص .... حتقولولي الزاي ... حقولكم
عليها صوت رهيب ياما رهيب قمة الرقه في صوتها لدرجة اني بحس نفسي انها بتستعمل معايا التنويم المغناطيسي وعلي فكرة هيا كانت عايزة تبقي مذيعة فعاملة تسجيلات صوتية وانا طبعا عندي التسجيلات دي وبشغلها علي طول وبنام عليها , ضحكتها ....حكاية حكاية والله لدرجة اني بفرح اكتر مابفرح اما الزمالك يجيب جون (طبعا لاني مشجع زملكاوي واكيد طبعا فهمتوا انا اد ايه بفرح بجون للزمالك) وعمري ماكنت افتكر ان فيه حاجه تفرحني اكتر من جون للزمالك ده غير اني بحس ان ضحكتها دي ضحكه مش عادية لا بحسها قنبلة نووية انفجرت فيا , طبعاً ده غير انها قمر بجد والله جدا (يمكن انا شايفها كدا) بس والله هيا قمر بجد وهاتوا مصحف وانا احلفلكم عليه
حد  يقولي هيا دي مشكلة ولاحاجه كويسه ولا ايه .....
رأيي لله ياولاد الحلال 




الأحد

البانرات بقت شوطه وماشية في البلد ... هوا ايه الحكاية


الاثنين

المجلس العسكري والاخوان في وادي والشعب بيعد الايام وفي وادي تاني خالص


الخميس

مهما الواحد يحصل معاه .... بقول دايماً الحمد لله


الثلاثاء

فتحي ياوردة ...قفلي ياوردة ... حنموت كام النهاردة


الخميس

البقاء لله


Mohamed Amer Mohamed © 2008 Por *Templates para Você*