الخميس

شكلي كدا اديتها عين

انا زعلان جدا لان الملاك اللي كنت بتكلم عليها في البوست اللي فات تعبانه جدا وعندها برد جامد , وحاسس اني اديتها عين بس انا عايز اقولها اني افديها بروحي والله من غير حتي ما افكر
بس انا حاسس اني غبي اوي لاني من امبارح كنت بحاول اكلمها بس هيا ماكنتش بترد وكنت عمال افكر هيا مش بترد ليه وكدا وكنت حموت عليها بجد بس الحمد لله بعد طول انتظار لسه مكلمها من شوية وعرفت انها تعبانه وكدا , بس الغريب اني كنت بكلمها وانا مبسوط لاني بكلمها مع انها تعبانه بس والله انا ببقي مبسوط وانا بكلمها ودي حاجه مش بعرف اداريها لانه بيبان عليا , وقولتلها انا زعلان جدا جدا والله لانها تعبانه بس انا مش قادر افصل خالص بي فرحتي اني بكلمها واطمن عليها وبين انها تعبانه وعندها برد واسيرة الفراش
انا بقولها ياريت تعذرني لانه مش بايدي والله .... وكمان بعد الليلة العصيبه اللي عدت عليا علشان ماكنتش بكلمها
فانا بدعيلها انها تخف بسرعه وتقوم بالسلامة وبطلب منكم انكم تدعوا معايا بصفتكم اخواتي (ده بعد اذنكم يعني) 
يارب يارب يارب تقومي بالسلامه ياروح قلبي يارب  

16 التعليقات:

صبح يقول...

يارب يشفيها و يعافيها يارب

faroukfahmy يقول...

ان شاء الله تقوم بالسلامة يارقيق القلب والمشاعر بس اوعى تتعدى منها

nour alqamar يقول...

ربي يقومها بالسلامه ان شاء الله محمد ..
تحياتى لك
نور

دعاء يقول...

إن شاء الله ينتهي الامر على خير ..

تحيآتي لكْ ..

somia'amin يقول...

ربنا يشفيها وبعدين متقلقش ياعم روميو ددول شوية برد .وبالنسبة للفرحة لازم طبعا تكون فرحا عشان بتكلم حبيبتك
ربنا يسعدكم

Unknown يقول...

صبح
يارب
شكرا ياصبح

Unknown يقول...

faroukfahmy58

هههههههه ايون انا عارف اني رقيق القلب والمشاعر , وبعدين ياريت اتعدي منها
شكرا علي دعائك وربنا يتقبل ان شاء الله وتقوم بالسلامه

Unknown يقول...

نور القمر

يارب شكرا يانور
تحياتي

Unknown يقول...

dodo, the honey

يارب ان شاء الله
تحياتي

Unknown يقول...

somia'amin

هههههه روميو ماشي ماشي , بس علي فكرة روميو ان شاء الله مش حيجي حاجه جنبي
ويارب يشفيها يارب
وبعدين شوية برد ولا حتي اي حاجه لازم اقلق عليها
وكويس انك معايا في موضوع الفرح ده لاني حسيت انه حاجه غريبة
يارب ويسعدك ان شاء الله
تحياتي

حنين محمد يقول...

صباح الغاردينيا محمد
بما أني طبيبة مشاعر ولسى بتابع حالتك فـ أنا بأكد بقى أنك مصاب بداء العشق والمرض دا لا أمل من شفائه بـ العكس هو المرض الوحيد في الدنيا الي مش عاوزين نشفى منه وبكدا ربنا مايشفيك ابداً ولايشفي ملاكك منه بالعكس لو لسى ماوصلتش العدوى يارب تعديها :)
بالنبسة لمرضها ربنا يشفيها يارب ولايحرمك منهاأما حكاية الفصل بين فرحتك وحزنك عارف يامحمد أجمل حاجة في الحب أنه بتحس بمشاعر كتير ضد بعض وبتستغرب طب انا ازاي حاسس كدا وكدا مثلا لما تشوف الي تحبه ممكن تعيط رغم انك سعيد بس طبعاً دا فرحه لما كلمتها كنت متضايق عشان غيابها ففرحت برجعتها وصوتها ونسيت مرضها لأنك مش مصدق انها بتكلمك :)
ربنا يسعدك ولايحرمك منها
وانا اروح ادور على بنات بلوجر مين العيانه عشان اعرف ملاكك هههههه"
؛؛
؛
لروحك عبق الغاردينيا
reemaas

nesma hatem يقول...

أحساس حلو أنك متبقاش عارف أنت حاسس بأيه
لخبطة حلوة أوى
ربنا يشفيها ويرجعهالك بالسلامة
ويجعلكم نصيب فى بعض
:)

Unknown يقول...

ريـــمـــاس

ههههههههه دوري عليها وان شاء الله حتلاقيها .... وانا حكلمك علي الفيس
انتي لو طبيبة المشاعر اللي بتابع حالتي يبقي مش حخف خالص لانك بتمدي الناس بالمشاعر ياريماس بس اكيد ليا الشرف انك بتابعي حالتي وشكرا ليكي ياريمو
و صباح الغاردينيا
تحياتي
دومت بخير وسعاده
محمد عامر

Unknown يقول...

nesma hatem

شكرا يانسمه
يااااااااااااااااااااااااااااااااااااااااااااااااااااارب
تحياتي
محمد عامر

Unknown يقول...

لآ أعلم لمـآ وأنـآ أتسـآمرـر مع حروفكـ تغمرني بهجه
حقـآ لديكـ شخصيه لطيفه جدآ
حفظك الله لهـآ وحفظهـآ لكـ

أســأله أن يشـآفيهـآ .. آخر آلسوء إن شـآء الله

Unknown يقول...

amneh ahmed

والله ده انا اللي فرحت جدا بتعليقاتك وكلامك .... شكرا بجد
ان شاء الله
تحياتي
محمد عامر

Mohamed Amer Mohamed © 2008 Por *Templates para Você*