الاثنين

حودع العزوبيه



خلاص حودع العزوبيه
وحاكل رز وملوخيه
وحبطل اكل الشوارعيه
خلاص حودع العزوبيه
وحتجوز اي وليه
سواء مميزة ولا عاديه
انا تعبت من التنقيه
خلاص حودع العزوبيه
حتجوز سوزي او حتي سنيه
مش حتفرق معايا الحاجات الشكليه
مش حجتاج دروس توعيه
علشان انجح في الحياه الزوجيه
انا خلاص قررت واخلصت النيه
 حودع العزوبيه

14 التعليقات:

faroukfahmy يقول...

كلنا قلنا كده يا محمد قبل الزواج فهل ستستمر على هذه الاقوال بعده اسأل مجرب ولا تسأل عازب
الفاروق

ليلى الصباحى.. lolocat يقول...

بص هقولك حاجة صغننة اوى خالص
انت الاول ودع العزوبية وبعدين اندم براحتك هههههههه
مش مهم الندم
مش مهم انك تاخد مقلب
مش مهم خالص مالص انك تحس انك بين السما والارض من المشاكل والهموم والضغط العصبى
المهم انك تودع العزوبية
على فكرة انا جاية اهدى النفوس مش اكتر هههههههه

مبروووووووووك وعقبال ماتبقى اب جميل وحنون


شوية جد /
رزقك الله اخى الزوجة الصالحة والذرية الصالحة يااااااااارب

تحياتى بحجم السماء

رحاب صالح يقول...

يا بني متسمعش كلام حد يقولك بلاش الجواز
بس المهم انك تختار صح
وتخلف بنوتة حلوة كدة وعسولة وتسميها رحاب علي اسمي ^_^

شمس النهار يقول...

ااااالف مبروك

وان شاء الله حياة سعيدة كلها حب وتفاؤل

موناليزا يقول...

ألف مبروووووووك

هبة فاروق يقول...

هههههههههه حلوه اوى
مش مهم سنيه ولا شلبيه المهم تودع حياه العزوبيه
ابقى قلنا على ميعاد الفرح علشان نملى البلوجر زغريط
الف مبروك

Unknown يقول...

faroukfahmy58

طب دلني يا أ/فاروق ابوس ايدك :)

Unknown يقول...

ليلى الصباحى.. lolocat

ياسلام كلامك طمني اوي :)
والله يبارك فيك وان شاء الله ابقي زي مابتقولي

ياااااااااااااااااااااااارب

وتحياتي ليك واسعدني جدا كلامك يا ليلي :)

Unknown يقول...

re7ab.sale7

يارب اختار صح وربنا يكرمني
يارب وان شاء الله اسميها رحاب :) ده يبقي شرف ليها وليا

Unknown يقول...

شمس النهار

:) الله يبارك فيكي
ان شاء الله
تحياتي

Unknown يقول...

موناليزا

الله يبارك فيكي :)

Unknown يقول...

هبة فاروق

الاحلي وجودك ياهبه
وحتبقي اول واحده ابلغها علشان اسمع الزغريط
والله يبارك فيكي :)

نورتي ياهبه

نيللي علي يقول...

كلنا بنقول كدا قي الأول، الجواز هو حياة بقي جديدة بمسئولية أكبر، بس المهم. إنها تكون حياة سعيدة لأن كل حاجة هتهون بعد كدا..
وألف مبروك:)

Unknown يقول...

Nelly Aly

اكيد ويارب تكون سعيده ويكرمنا

والله يبارك فيكي :)

تحياتي

Mohamed Amer Mohamed © 2008 Por *Templates para Você*