السبت

الموت



انا حاسس اني في البلد دي بموت كل يوم 
نفسي بقي اموت موتة اخيرة

الاثنين

حودع العزوبيه



خلاص حودع العزوبيه
وحاكل رز وملوخيه
وحبطل اكل الشوارعيه
خلاص حودع العزوبيه
وحتجوز اي وليه
سواء مميزة ولا عاديه
انا تعبت من التنقيه
خلاص حودع العزوبيه
حتجوز سوزي او حتي سنيه
مش حتفرق معايا الحاجات الشكليه
مش حجتاج دروس توعيه
علشان انجح في الحياه الزوجيه
انا خلاص قررت واخلصت النيه
 حودع العزوبيه

الأربعاء

خطوه



لسه ماطلعتش من البيضه
وبحلم باول الطريق
بلعب بعروستي سعيده
ودنيا مليانه مخاليق
يمكن احلامي بريئه
بس قلبي قلب جرئ

الثلاثاء

عيد الحب




كل مايجي عيد الحب ده بستغرب , تلاقي الدنيا كلها احمر في احمر 
وبعيد عن ان الواحد مرتبط او لا. بس انا بحس ان عيد الحب ده ملهوش لازمه , الحب مش مرتبط بحد معاك او كدا او وقت معين , الحب ده حاله اتولدنا بيها وعايشين بيها , مافيش حد مابيحبش كله بيحب حتي ربنا سبحانه وتعالي بيحب (بيحب عباده وبيحب رسوله ....) واحنا كلنا بنحب , بنحب ربنا وبنحب اهلنا ونبحب اصحابنا وبنحب الناس وبنحب الخير او الشر علي حسب الشخص :) 
يعني كل يوم احنا عايشين في حب , وما انكرش ان الحب لشخص واحد بيبقي ليه وضع تاني لينا كلنا 
تعرفوا انا نفسي في عيد الحب ده اغير  شوية , نفسي اجيب هدية لامي واقولها اني بحبها وهديه الاخواتي واقولهم اني بحبهم ونفسي اجيب هديه لاصحابي واقولهم اني بحبهم
بس طبعا علشان العدد كبير ححاول اني ما اتهورش :) 
بس المهم اعمل اللي نفسي فيه واشوف رد فعلهم

وانتوا بردوا يا اهل بلوجر بحبكم في الله 


Mohamed Amer Mohamed © 2008 Por *Templates para Você*